تويت
ألفين صلاه وسلام
فى مدح سيدنا النبى
جدودى قسموا الحياه
ساده وعبيد
وقسّموا الإنسان
ولد وبنت
واتنطعوا بأصل القبايل
سكروا بدم اخواتهم
وشووهم على جمر نار الحقد
وانت ندهت وقلت الناس سواسيه
لا فرق بين عربى وعجم
اللى بيعمل عمل صالح بيبقاله
وفضلت شايل راية الحريه
تجمع شتات القلوب اللى كانت على شفا حفره
وتصالح الإنسان على الإنسان
الفين صلاه وسلام عليك ليوم الدين
وصيت علينا فى مصر
من قبل ما نكون مسلمين..
تعليق